Chief Minister, Neiphiu Rio para question hota ke jawab deya toh, 2018-19 time deh Rs. 1,38,86,48,000/- toh MGNREGA laga pethor deh tuita instalment para paise. Government of India para first installment toh Rs.56,64,48,000/- aro second installment toh Rs. 82,22,00,000/- ase.
Tai para aro kowah toh, 2018-19 time deh 127.01 lakh man-days toh MGNREGA pethor deh manishe.
Nagaland Medical College laga construction opor deh Minister of Health & Family Welfare, S. Pangnyu Phom para kowah toh, total Rs. 27.50 crore powah ke Rs. 25.00 crore toh CD deh, Rs. 1,21,74,000 toh Nagaland Medical College, Kohima para paise. Aro GoI para Rs. 153 crore toh total project Rs. 189.00 crore laga deh state treasury para olaise. Tai para be collage bona laga aro moda aro mali collages bona laga be kotha janaishe. Tai para kowah toh, fence bonabo karni alaf kaam toh olai kena ase.
Minister, C.M. Chang para jawab deya deh kowah toh, ICA assisted Nagaland Forest Management Project pethor deh, society toh register hoise aro project bonabo karni alag committee be bonaise. Project manual, organizing of sensitization workshop aro institutional strengthening otha hesab deh plan korishe.
MLA Yitachu para pension payment opor deh hotab time deh Chief Minister, Neiphiu Rio para kowah toh, Account General, Nagaland laga record toh Defcember 2018 tak he pajabo aro records furnished hesab deh, total pensions aro tusara Retirement Benefits deh 1st April 2018 to 31st December 2018 deh phela toh Rs. 1112.72 crore ase. Tai para aro kowah toh, January, February aro March 2019 deh pensions aro retirement benefits deh phela toh 612.14 crore nesana estimate ase.
MLA, C.L. John, Minister of Health and Family Welfare para question hota ke Pangnyu Phom para kowah toh, Unauthorised Adhoc appointment deh kelaaf kori kena department para action loise aro department para 315 Unauthorised employees deh Show Cause Notice toh saise. Tai para kowah toh, etu Notice toh technical ground deh sai jai kena jaat korishe. Minister para be kowah toh, Committee constituted para Adhoc/Contingency, service extension sabo karni mana hesab deh ek sal wef 02.04.2017 toh manishe. Etu time para service toh sal deh othai ase.
Question deh jawab dekena Minister of Geology & Mining and Chairman of NSMDC, V Kashiho Sangtam para kowah toh, Wezihu jaga deh DDSP Gangsaw thalala toh kothom hoise. Aro etu toh plant aro machinery olabo karni trial run pethor deh ase. Tai para plant aro machinery thek howah bewchide tai laga project toh olabo koise.
MLA Dr. Chumben Murry para hota ke Minister for Road and Bridges, Tongpang Ozukum, para jawab deya toh, division deh toh bonabe bonai kena ase aro maintenance toh road maintenance policy laga part hesab deh ase.
CEO Dimapur Municipal Affairs para revenue gama opor deh Minister for Urban Development & Municipal Affairs, Metsubo Jamir para jawab deya toh, CEO Dimapur Municipal Council para sal 2017-2018 deh total revenue gama toh Rs.13,99,98,429/- thakise aro sal 2018 – 2019 deh toh Rs. 10,29,06,773 thakise.
Dimapur Municipal Council laga tusara expenditure opor deh Minister para jawab deya toh, sal 2017 – 2018 deh poisa phela toh Rs.12,35,45,293/- thakise aro sal 2018-2019 deh Rs.12,14,39,789 thakise. Minister para be Dimapur Municipal Council pethor laga boi-data aro dtaff laga list deya thakise.
Add Comment