UK jonam rapper 21 Savage ke US detention centre te rakhi se kintoh Trump administration pora immigration laga te message bodhabole paribo nimide, tai laga lawyer pora koise.
Federal government laga Immigration policies toh bishi biya dhakise, Dina LaPolt pora koise.
“Aro moi laga bhapna hesab te,abni jane, tai khan manu khan ke deka bole example lobole rata bishare,”Tai pora ABC pora Good Morning America (GMA) te koise.
Rapper hosa nam Sha Yaa Bin Abraham-Joseph – pora koise 3 February pora hi helicopter toh samil dhaki se.
“Moi kari julai dhakise” 26 umar pora GMA te koise. “Aro moi bandhuk aro blue wrong light ekla dekhise.Enika hoi kena,Moi kari laga biche te dhakise.Aro moi toh jai kena dhakise.”
Tai ke tai toh dhuri ase koi kena koise na kowa nai koi kena hudiya somoi te, Tai pora koise, “Nai tai khan kowa nai. Taikhan eku kowa nai.Tai khan etu hi koise ki: ‘ Savage ke baise.’
“Etu toh paka ektam target kura laga dhakise,” Tai pora koise.
Immigration aro Customs Enforcement (ICE) pora Ms LaPolt’s laga kodha te jawab dibole mana kurise, GMA pora koise.
Add Comment