2nd Thuwuni Festival manaise

Zunheboto, 16 November: Friday din Pughoboto town jaga deh 4th Edition Thuwuni festival laga second din toh Director, Land Resource Department, Hoto Yeptho kushi mana thakise. Hoto pora organisers khan logode kushi janaideya thakise aro tai pora Hornbill festival aro  Thuwuni festival laga important kotha khan kora thakise. Outdoor Stadium, Natsumi jaga deh, Thuwuni Music festival laga first din time deh first Indian Idol maike, Sourabee Debbarma pora Hindi gana gaa thakise. Second din time dehbe Pughoboto Sub division  pethor laga alag-alag bosti khan pora indigenous aro traditional games competition lowah thakise. Thailand laga Prajen Panantang, Artiste pora Thai Folk Music kora thakise. Spear Kick competition time deh Mukalimi jaga laga Veqheho pora 6 ft. 9 inches kick kori kena first position loise aro second toh Shesulimi jaga laga Toka pora loise. Alao Game competition deh, Iqhanumi  bosti laga Nihoshe aro Vitolu pora 1^st aro 2^nd position loise. Aro third toh Mukalimi bosti laga Viqheho pora lowah thakise. Second din time deh tusara games competition khan toh basket making, bag weaving, traditional female game, greased pole climbing etc thakise. Tin din festival time deh jeta khan logode cash prize award pabole ase.