JAMMU: Saturday te spokesman koishe bishi-para-bishi 538 manu. Etu te 319 GATE aspirants ke Indian Air Forces (AIF) para alak alak sorties te airlift kurishe. Etu toh Jammu aro Srinagar laga twin capital cities majote hoishe.
Spokesman koishe IAF toh C17 Globalmaster laga special sorties launch kurishe. Tai khan toh fasi kena thaka GATE aspirants, locals aro tourists ke bachabole nimite ahishe. Etu manu khan toh Jammu-Srinagar national highway laga twin capitals te rasta bon huwa nimite fassi kena thakishe. Etu toh olop samay agote he borop gera nimite hoishe.
Tai koishe Graduate Aptitude Test in Engineering (GATE) te appear kuri thaka total 319 students ke Srinagar airport para Jammu airport te Friday aro Saturday te airlift kurishe. Etu total 319 students khan toh GATE, February 10 te appear kuri thakishe.
Spokesman koishe 179 students ke Srinagar para Jammu te airlift kurishe. Jammu te fai kena thaka 180 civilians ke airlift kuri kena Friday te Jammu te loi jaishe.
Etu genika he tai koishe 179 manu khan Saturday te Srinagar aro Jammu te airlift kurishe. Etu 179 manu khan te 140 students, 39 locals aro tourists thakishe.
Spokesman koishe students khan toh army forces khan laga humanitarian concern nimite specially relieve hoishe. Aro airlift huwa manu khan para army khan ke special thanks dishe.
Add Comment