Ace Tripura gymnast Dipa Karmakar toh Doha aro Baku nimite pura taiyar ase

Agenices:Ace Tripura gymnast Dipa Karmakar toh Baku world Cup aro Doha World Cup te compete kuribole pura taiyar ase.

Baku World Cup toh March 14-17 te hubole ase aro Doha World Cup toh March 20-23 te hubole ase.

TOI khobor kurishe ke jua saal November te Dipa toh Artistic Gymnastics World Cup laga vault event te bronze jeetishe.

Dipa, tai laga knee strain para bhal huwa pichete laga first appearance ase. Jokom huwa nimite Dipa toh vault final aro Jakarta Asian Games laga team event para bhi bahar hoishe.

Dipa Karmakar toh olop samay agote  Rio Olympics te fourth place te khotom kurishe. Dipa koishe etiya moi March te hubole thaka Baku aro Doha World Cups nimite taiyar ase. Moi toh Olympics te uthi kena jabole paribole moi bhal performance kuribole lagibo.

Doha aro Baku toh 2020 Olympics nimite aatha-event thaka qualifying system ase.

Dipa toh Baku aro Doha World Cups nimite taiyari kuribole nimite Melbourne te huwa World Cup (February 21-24) toh charidibole decide kurishe.