Sunday din Dimapur, Phevima Kacharigoan jaga deh Angami Catholic Union ( ACU ) para theme, ” Rooted and build up in Christ , ” ( Col : 2:7 ) pethor deh three-day 2nd Leaders Meet aro 11th Convention loi thaga kothom hoise. Kohima Diocese laga bishop Most Rev. Dr . James Thoppil para Holy Mass toh besi prest khan logode loise.
Etu din deh James Thoppil para kowah toh, Church para Isor laga baptism manai thaga toh Christmas season kothom howah mark korishe aro Liturgical sal laga Ordinary time suru korishe. Aji feast para ami khan baptism kora yaat korishe. Biship para kowah toh, Isor laga Baptism feast time deh, ami khan baptismal wada yaat kora toh phal ase koise.
Dr. James para hotha toh, aji laga din deh ami khan nejor para hotibo- ami khan baptism time deh manikena thaga Isor logode lost hoise. Tai para jama howah khan logode Isor laga rasta para perai ase nanai nohoile tai laga rasta deh naperaikena ase nanai nejor para hotibole koise. Judi Isor laga rasta de naperai kena thakise koile maab mangkikena Isor laga ashirbad toh lobole koise.
Lhouphrevilie John, Vizomenuo Merlyn aro Rev. Fr. George Keduolhou para Isor laga wachan porishe. Ahienuo Janet para prathana korishe aro Phevima Catholic Union para offering jama korishe. Angami Catholic Youth Association gana korishe aro Kevituonyii Simon para service loise. Mass bechide katha felicitation function loise. Etu time deh olaijabole laga ACU president, Kevituonyii Simon para Constitution toh notun ACU president, Lhusarovi Paul Rino logode dese. Purana ACU executives para be notun office bearers logode 2019 – 2022 laga tenure nemide welcome korishe. Nagaland Catholic Women Association ( NCWA ) , Catholic Youth Movement ( CYM ), Phevima laga alag-alag church, sisters, priests, guests aro host of individuals logode congratulate korishe. Nohoshil John aro Lhoubizoto Reuben para vote of thanks janaishe aro Saku Francis para benediction prathana korishe. Function bechide St.Leo Church laga campus deh fellowship meal organise korishe. Kohima aro Dimapur jaga laga 523 registere howah delegates toh sob Angami manu khan three-day ACU leaders meet aro convention deh ahhaise.
Add Comment