Ajax para Juventus ke haraikena Champions League semi-finals te 1997 para loikena pohoila bar punchise. Matthijs de Ligt laga ekta second-half header para Turin te last eight match laga second-leg te 2-1 para jitise. Cristiano Ronaldo toh tai laga sixth Champions League title jitibo phabana para 28th-minute te ekta header goal dise aro 1-1 fist-leg draw bicchete Juve aagete lead loise, hoilebi Donny van de Beek pora half-time laga aagete Ajax nimite ekta equiliser ghusai se. Teenage centre-back De Ligt para second-half te majot para ahikena ekta header goal ghuasai se, etu para 3-2 aggregate win loise. Tai khan toh last-four te Manchester City nahoile Tottenham logote khilaf khelibole ase.
Etu jowan Dutch side para toh pohoila quarters te three-time defending champions Real Madrid ke bi harai dise. Etu Spanish side logote khilaf 2-1 para pohoila harikena, tweibar kheliya te Santiago Bernabeu te 4-1 para jitise.
Juventus toh jowa panchta seasons te Champions League laga semi-finals te teenbar jabole thakise.
Hoilebi Ronaldo, kon para jowa habta Amstedam te header para ekta ghusai se, toh Dutch side logote khilaf Juve laga khali haadiyar thakise.
Etu 34-saal-umar toh jowa summer Real Madrid para 100 million euros ($117 million) karne loise. Tai khan laga maksat toh 1996 final te Ajax ke haraikena title lowa bicchete pohoila bar European trophy jitibole thakise.
Add Comment