Headlines

Arun Jaitley finance minister post deh aro charge loise

New Delhi: Friday din Arun Jaitley toh tai laga finance minister laga post deh charge loise. Tai toh bemari para dukh pai thaga karni hospital deh treatment kora thakise. Etu sal majode bemari nemide tai laga post chara toh tui par hoise.

Friday din official khobor hesab deh, prime minister para samjaideya karni President of India para Arun Jaitley logode Minister of Finance aro Minister of Corporate Affairs deh charge lobole kowah thakise.

Jaitley para Friday din tweet deh kowah toh, Aji (Friday) Ministry of Finance laga kaam deh aro ahhaise. Shri Piyush Goyal logodebe tai laga post deh charge kora karni ektum kushi powah thanks janaishe.

Jaitley, 66 toh US jaga deh medical treatment korikena korai ahha thakise aro tai  Prime Minister Narendra para Cabinet Committee on Security (CCS) meeting nemide matha deh first jaa thakise. Etu meeting toh south Kashmir’s Pulwama district deh terror hamla korikena 40 CRPF moraideya karni kotha kuribo karni loise. Etu bechidehe Jaitley toh tai laga finance ministry post nemide ahha ase.

Khobor hesab deh, Arun Jaitley toh January 22 direk surgery korise. Etu toh tai laga left leg ke soft tissue cancer howah karni ase. Tai skin grafting kora bechide February 9 direk India deh korai ahhaise.

Jaitley para kowah toh recover toh hoi ase hoilebi berabole aro bohoibole lathi laga support toh lagi.