January 21: Assam Chief Minister Sarbananda Sonowal pora Citizenship Bill ke maaniya laga kadam bicche te berai kena, etiya Arunachal Pradesh Chief Minister Pema Khandy pora Bill laga bicche te khara korikena koise ki “nijor laga maksat thakiya manu khan” pora etu Bill laga misa khota toh matha ulta koribole olaise.
Arunachal Pradesh te East Kameng district laga Seijosa te Pakke-Paga Festival laga inauguation peogramme te CM pora Sunday te koise ki nijor laga maksat thakiya manu khan pora etu Bill laga khilaf misa khota olai ase aro etu manu khan laga majote ulta khota olai ase. Tai pora etu bi koise ki etu Bill pora loikena region te ekdam mila-jola demography (population) bonaibo.
Etuya toh konobi bahar laga manu Arunachal Pradesh te jabo karne 1873 laga Bengal Eastern Frontier Regulation Act pora bona ILP laage.
Ekdum naam dangor laga All Arunachal Pradesh Students’ Union milai kena kisim organizations khan etu Bill logote khilaf protest kori thakise. Tai khan pora koise ki hazar Chakma aro Hajong refugees khan Bangladesh pora ahiya aro China pora ahiya Tibetans from khan ke state te citizenship pabo.
Add Comment