ITANAGAR | March 14: Ekdum biya hatsa ekta te, West Kameng district laga Kimi osor te rasta accident howa te tweijun manu morise aro aathjun manu biya pora jokhom paise.
Superintendent of Police, West Kameng, Raja Bantia pora khobor korise ki ekdum gopal biya Tata sumo registration no. AS 12C 8235 logote toh, turning koriya samoy te gari toh rasta laga nijete Wednesday te 11:30 am nisina te kirise. Etu hatsa toh Thrizino circle laga nijete Kimi te Bailey dolong laga osor te hoise.
Tweijun passengers, ekjun moda aro ekjun maiki toh morise aro aalag aathjun toh biya pora jokhom paise aro phat Bhalukpong PHC te loikena jaise. Olop thakikena jokhom powa khan toh Tezpur, Assam te loikena jaise.
Moriya manu khan toh, moda laga naam Sonam Tshering (44) aro maiki laga naam toh Pema Yangzom (40) ase koikena jini paise.
Thrizino Police Station te etu laga case toh lekhise aro etu hatsa howa karan ke jaach koriya shuru korise, SP pora koise.
Add Comment