Mary Kom toh Bangkok, Thailand te April 16 pora 27 tak thakiya Asian Boxing Championships te nakhelibo. Etu six-time World Champion pora fesla korise ki tai etu event te nakhelibo kile koile etu saal olop trhakikena khelibo laga World Championships nimite mon dibo karne.
Etu Asian Boxing Championship te 20-member Indian maiki khan laga boxing team jabole ase, tate World Championship Silver medallist Sonia Chahal logote purana World Championships gold medallist Sarita Devi aro purana world junior champion Nikhat Zareen bi milaikena ase.
46 boxers khan majote, etu boxers khan ke Indira Gandhi Stadium te thakiya teen-din trial laga hisab te pora junise.
Saathta kamiyab editions bicchete, maiki khan laga competition toh Asian Championships te pohoila bar moda khan logote ekki logot thakibole ase. Jowa edition te, Indian maiki khan pora sob milaikena saathta medals jitise, tate ekta gold, ekta silver aro panchta bronze jitise.
Add Comment