India Bahrain logote Monday te Sarjah te 0-1 pora last group stage match te hari kena AFC Asian Cup 2019 pora olai jaise. Jamal Rashed pora stoppage-time te jakka pora ekta score korikena Bahrain ke round of 16 te ponchaise. Group A laga aalag match te, Thailand aro hosts United Arab Emirates 1-1 draw hoise. Group A points table te India three points paikena last hoise aro UAE, Thailand, aro Bahrain toh knockout stages te five aro four points pora jaise. Thailand, India logote opening match te 1-4 pora hari kena bi next round te jabole chance ase.
Bahrain pora match toh dominate korise hoilebi India kebaar koribo paranai. Indian defence pora Bahrain laga hamla toh baar baar hataise hoilebi injury-timr pora shuru India karne besi biya hoi jaise.
Bahrain 91st minute te Jamal Rashed pora penalty loise. Etu toh India captain Pronay Halder pora box laga bithor te galdi kora nimi te ase.
Add Comment