Regional

Assam: Friday din para NRC claims aro objection suru hoishe

Agencies: Friday din te Assam chief minister Sarbananda Sonowal para National Registration of Citizens (NRC) laga ugradation laga kaam kuri thaka officials khan ke claims aro objections laga process toh bhal aro aram para khotom kuribole koishe.

NRC upgradation process laga claims aro objections toh Friday din para suru hoishe. State pura te etu nimite 1,436 centres ase. NRC laga final draft te 40.37 lakh manu khan laga naam toh hali kena thaka nai. Etu te 36.28 lakh manu khan naam halibole claim kurishe. Aro dui lakh manu khan toh objections register kurishe.

Sonowal koishe golti nathaka NRC kuribole process toh chuli ase koishe. Etu toh India laga Supreme Court laga direct supervision nichete hoi ase koishe. Aro koishe ke etu kaam opor te state aro Central government para pura support de ase koishe.