Assam te ekta demak thik nathaka manu murishe

GUWAHATI | December 6, 2018:Wednesday din te election related  police firing te Assam panchayat polls laga akhe wala phase te ek jun ke muraidishe . Habial village Golaghat district te ek jun manu dao thurikena voters khan ke khedai dishe   Etu pichede police khan tate thaka pora  tai uporte guli marishe  .Etu manu toh vote diya manu khan uporte kuri thakishe aro police  khan uporte bi hamlaa kuribole ahise  .Ami khan logote okobi opai thakanai tai guli maribole karne aro tai pora dusra manu khan ke  jhokom nakurai dibole karne .local police khan koikena janaishe  .Etu jhokom paa manu khan ke  hospital te loijaikena  murishe .Etu murijaa manu laga naam toh   Gyanendra Rajkhowa, ase aro tai toh demak thik  thakanai  .Etu polling laga akhe wala phase  16 districts te  7 am te shuru kurishe   aro 4 pm te khotom kurishe  .Kunba jaka khan te eman dangor jhamela khan olaikena thakanai  candidates khan laga naam thik thak nathaka nimete ari tai khan laga symbols aro  voters khan laga naam khan nathaka nimete electoral rolls  te.Sob milaikena komti hoilebi  43,515 candidates khan   district laga polls block aro village panchayats nimete ase .Polling toh  14,077 stations te loishe  security khan tight thakikena  .Panchayat polls ke dikha toh report card nishena dikhishe  two-and-half-year-old Bharatiya Janata Party-led coalition government nimete . Alliance partner Asom Gana Parishad khan etu election toh  alag hoikena hi contest kuri ase .