TNT Desk | Febraury 16: Febraury 14 te Pulwama laga adangwati hamla pora 40 pora besi CRPF jawan morise aro etu nimite pura desh pora Pakistan logote khilaf khusa olaise. Northeast India te, Guwahati, Assam te Fancy Bazar laga local manu khan pora Pakistan flags aro Jaish-e Mohammad chief Masood Azhar laga putla toh Saturday te julaise. Protesters khan pora adangwati laga hamla koriya laga masterminds(aadesh diya khan) khan ke biya sajai dibo karne koise aro etu jakka laga dukan aro office khan toh etu hamla logote khilaf korikena bondh korise.
Etu protest te “Pakistan Murbadaab” aro “Bharat Mata Ki Jai” kkoikena slogans hala kori thakise.
Tinsukia laga Thana Chariali te, manu khan etu hamla logote khilaf korikena protest korise aro Pakistan National flag aro Pakistan Prime Minister Imran Khan laga putla bi jolaise.
Hajo laga Kalitakuchi te, All Assam Goria Moria Yuva Chatra Parishad laga members khan bi etu hamla logote khilaf protest korise aro Pakistani flags jolaise. Pura Assam laga manu khan rasta te olaikena Saturday te Pulwama adangwati hamla te 45 CRPF sepahi moriya logote khilaf korikena protest korise. Etu hamla te Assam pora 98th Battalion te Maneshwar Basumatary naam laga jawan ekta bi morise.
Pohoila Friday te, Bajrang Dal te Mangaldoi unit laga members khan pora Friday te Pakistan laga national flag toh etu adangwati hamla ke khilaf korikena jolaise aro Pakistan logote khilaf korikena hala kori thakise.
Etu nisina Rangia te, All Bodo Minority Students’ Union (ABMSU) laga members pora Friday te Jaish-e-Mohammed (JeM) chief Masood Azhar laga putla jolaise. Protesters khan pora samne laga desh te adangwati ke modot nadibo karne koise.
Add Comment