Serena Williams toh 24th grand slam title karne Australian Open te draw paise, Germany laga Tatjana Maria logote first round pora shuru. Etu American, 16 bar jitiya , toh Margaret Court laga singles majors laga record ke match kori kena aro eighth Australian Open crown toh lobo phabana ase. Hoilebi Serena Williams ekdum diktari draw laga half te ase aro world laga number one Simona Halep logote round four te log pabo pare. Aro joti tai etu bar koribo parile last eight te Karolina Pliskova ke log pabo. Etu laga aage Chinese wildcard Peng Shui nahoile Canadian Eugenie Bouchard, Williams ke second round te rukhi thakibo.
Halep, jokhom paikena jar mohoina te khali ekta game kheli kena tournament te khusa toh August laga US open te first round te harai diya Estonia lag Kaia Kanepi logote badla lobole chance paise.
Defending champion aro third seed Caroline Wozniacki toh Belgium laga Alison Van Uytvanck logote shuru korise aro 2008 champion Maria Sharapova ke round three te log pabo pare.
Japan laga Naomi Osaka, US Open champion, tournament te Poland laga Magda Linette logote shuru korise aro Australia laga Daria Gavrilova logote round two te logpabo.
Add Comment