National

BJP Ally para alliance charibole dhamki de ase

February 11, 2019
42 Views

LUCKNOW: Sunday te Uttar Pradesh BJP laga ally Suheldev Bharatiya Samaj Party (SBSP) para BJP charibole dhamki issue kurishe. Suheldev Bharatiya Samaj Party (SBSP) koishe judi February 24 bhitor te social Justic Committee laga recommendations toh implement kura nai koile toh SBSP toh BJP allies charibo koishe.

SBSP laga general secretary Arun Rajbhar laga kotha news agency PTI para quote kuri kena koishe ke judi Bjp toh ami khan para utha demands khan toh mananai koile toh ami khan BJP toh charibo . Etu toh judi saffron party para February 24 bhitor te Social Justice Committee recommendations toh implement kura nai koile toh charibo koishe. Aro etu pichete SBSP toh state te sob 80 Lok Sabha seats contest kuribo koishe.

Tai aro koishe ke judi lagile toh ami khan anti-BJP alliances (SP aro BSP) logote bhi meli jabo. Tai khan logote ami khan olop bar meeting bhi thakishe koishe.

BJP opor te biya pai kena Arun Rajbhar koishe etu toh tai khan laga akhri (last) warning ase. Aro February 24 pichete BJP logote aro eku agreement nokuribo.

Tai koishe Lok Sabha polls para choi moina agote BJP para Social Justice Committee recommendations toh implement kuribole koishe. Hoile bhi etu opor te etiya tok eku sign nai.

Committee toh jua saal May te constitute kurishe. State government toh tai khan laga recommendations te backward caste ke teenta categories te division favour kurishe. Etu toh  “pichda” (backward), “ati picchda” (very backward) aro ”sarvadhik picchda” (most backward) te divide kurishe.

State laga electorate te backward classes toh 44 percent genika account ase. Aro tai khan ke party laga bhi political prospects bana nohoile bhi biya kura te zaruri role play kure.

Committee khan laga recommendation laga hesab te alak alak OBC aro Dalit sub-castes khan ke teenta broad categories te classify kuribole koishe aro tai khan ke quota bhitor te quota dibole koishe. Etu para caste riddled Uttar Pradesh te 2019 Lok Sabha agote political scence toh spice up kuribole genika ase koishe.    

2017 UP Assembly elections te BJP toh 403 seats para 312 paishe. aro SBSP toh khali charta  seats jeetishe. Coalition laga dusra ally Apna Dal (Sonelal) toh nouta seats jeetishe.