Peren, 13 December: Wednesday din Peren district pethor laga Tening jaga deh Environment, Forest and Climate Change laga Minister, C.M. Chang pora Forest Range Office laga foundation stone khulise. Speech time deh C.M. Chang toh 1982-83 sal laga civil officer post deh yaath kori kena, Tening jaga deh development nemide besi dekthari thakise koise. Tai pora be kothom hoi thaga jeriya aro janwar laga kotha ektum mondukh pora janaideya thakise. Mathi toh phal ase hoilebe manu khan harsworking nakori koikena,. tai janaise. Chang pora government logode mela-meli thakibo karni sob manu logode janaideya thakise. Kelay koile nejor laga area deh develop hobo karni. Tening laga range forest toh Japanese laga motob pora suru howah laga ase. Government aro Korea project be pipeline deh ase koikena Minister pora janaise.
Water Resource Development laga Advisor, Namri Nchang pora kowah toh, development toh ahibole ase aro manu khan nejor ke laab pabo karni jolabo lagi. MLA pora be forest deh bachai rakhibo karni church leaders logode plan lobule janaise. Tai pora janaideya toh, Ahhibole din time deh alag-alag development laga schemes toh ahhibole ase aro SDEO office toh joldi inaugurate koribole ase.
Conservator of Forest (STC) Nagaland, Dr. Kenei IFS pora Japanese ICA project “A Boon to Tribal Livelihood” highlight kora thakise. Tai pora mathi toh nature logode ashirbhat paise aro manu khan logode forest bachabole request janaideya thakise.
Divisional Forest Officer, Peren, Dr. Sentitula, IFS pora Tening nemide etu toh red letter din ase thakise. Aro tai pora manu khan logode wildlife bachabo karni mela-meli thakikena kaam koribo karni janaideya thakise.
Add Comment