Champions League: Real Madrid 0-3 CSKA Moscow, Young Boys 2-1 Juventus, Manchester United 1-2 Valencia

MADRID: Wednesday rati khila Champions League match te CSKA Moscow pora Real Madrid ke  3-0 koikena haraidise. Ito jitekena CSKA Moscow pora Real Madrid ke haridiya toh repeat 2 par wala ase. Hoilebi taikhan laga group te Real Madrid pora hi top korise aro CSKA last hoishe. CSKA round of 16 te qualify hoa nai aro Europa League karoni bhi qualify hobo paranai.

“ amikhan Madrid ke haraidishe, ito toh pise dangor kotha ase. Hoilebhi Group qualify hoa ito karoni hi pishe mondaak lage ase. Hoilebi ki ki hoa pijeti bhi amikhan toh aji rati pijete Holiday toh ektum khusi pora manipo” inaka CSKA coach Viktor Goncharenko pora koise.

“But we only have ourselves to blame. In any case, we’ve made sure we’ll spend the holidays in a great mood after tonight’s win.” CSKA 7 points pora kotom hoishe aro Madrid 12 points pora.

Real Madrid laga fans khan pora Santiago Bernabeu te match khotom hoa pijete pise sorom khelaise. Aro CSKA pora 3^rd goal mara pijete pise jon stadium pora jaijaise. “ Madrid te fans khan result khusi napaile inaka hi sorom khelai, hoilebi amikhan Club World Cup laga match phapna korikena players olop rest koribole olaise, opai thakanai”. Inaka  Madrid coach Santiago Solari koishe.

Ulag wala match te Guillaume Hoarau pora toita half te ekta ekta marikena Switzerland laga Young Boys pora Juventus ke 2-1 koikena haraidishe. Hoilebi Juventus Group H top koridishe kilemane taikhan group te Manchester United 2-1 koikena Valencia logote haria karoni.  

France forward Hoarau first half te penalty pora tishe. 68^th minutes pijete aro ekta mocha pora maritise.  

Juventus karoni Paulo Dybala pora bench pora olaikena 80 minute tey ekta khoraitise. “amikhan Group jitese ito hi sobse dangor kotha ase “ koikena Juventus laga coach  Massimiliano Allegri pora koishey. Group H te Juventus aro United qualify hoishey aro Valencia aro Young Boys qualify hoanai.  

Manchester United pora Group top koribole laga chance loss koridishe. Wednesday rati taikhan Valencia ke jitese koile Group top koribole pari thakise. Hoilebi Valencia pora 2-1 koikena Manu ke haraitise.  Mestalla, Valencia te khila match te Mourinho pora team ke 8 change korise ito te Pogba bi khilibole  chance paise , hoilebi Valencia pora ektum asani pora Manu ke haraitise.

Carlos Soler laga  driven shot aro Phil Jones laga  own-goal marikena Valencia first half te 2-0 up hoijaise. Aro last minute te Marcus Rashford laga header tikena United ke olop mon dangor koritise. Hoilebi United aro score koribole paranai.