Agencies, 13 January 2019: Peasant leader aro RTI activist, Akhil Gogoi para khobor janaideya toh, January 14 direk Magh Bihu mana time deh tai toh Citizenship (Amendment) Bill, 2016 opor deh kelaaf korikena 24 khonda karni fasting lobo koikena janaishe.
Gogoi para tai toh etu sal festibal na-mana koise aro Uruka’ time deh tai khaa be eku nakhabo koise. Kelay koile tai 70 organisations members logode melikena 24 khonda karni fasting manabo karni. Bill deh kelaaf kuribo karni fasting toh Monday afternoon bechide suru hobole ase.
Tai para be kowah toh, Bill nemide kotha kori thaga thek nahowah tak porah state toh protest korikena thakibo. BJP para Rajya Sabha deh Budget session lowah time deh pass kuribole plan kori ase. Etu toh January 31 direk deh thakibole ase.
Etu agae deh, chamala ola karni police para Gogoi logode thurikena thakishe. Hoilebe Guahati Hight Court para tai logode olob time karni bail dese. January 9 direk Lok Sabha deh Citizenship (Amendment) Bill toh passed korise aro next din dehhe Congress aro tusara parties khan gara kelaaf kori thaga majode Bill toh Rajya Sabha deh pothaidese.
Add Comment