CM Neiphiu Rio pora NAYO Silver Jubilee Monolith olaise

Wednesday din Northern Angami Centre, Chiephobozou  jaga deh, Northern Angami Youth Organisation khan theme “Kemiatho Khrühe” pathor deh 25^th Anniversary cum Stone Pulling ceremony manaise. Etu time deh Nagaland laga Chief Minister Neiphiu Rio toh Chief Host thakishe aro MLA Khriehu Liezietsu toh Co-Host thakishe. Anniversary deh thousand moda aro maike khan traditional dress lagai kena kushi mana thakishe. NAYO laga pathor deh youth aro bura baba khan traditional dress lagai kena aro bondhuk thuri kena stone pulling din deh hesha thakishe. Etu agae formal programme time deh, Nagaland laga Chief Minister aro event laga host, Neiphiu Rio pora founder aro organization laga founding members logode kushi powah kotha janaideya thakishe. Etu time deh tai pora youth toh society laga backbone ase koise. Youth organization khan eki-logode melikena thaga gara hoikena aro mela-meli thaki koikena janaishe. Tai pora kowah toh, poila society toh might is right’ thakishe, hoilebi aji-kali gyan paikena aro putli hoikena ‘Right is Might’ putli hoise. Tai pora sob youth khan logode vision bonai kena aro phal pora mela-meli thakikena hosta rasta deh thakibole janaideya thakishe. Tai pora kowah toh, overground aro underground debe aji-kali naga society toh alag-alag organisation deh alag-alag hoise. Aro hour organisations debe opinions aro views toh alag-alag hoise. Etu pora tai youth khan logode tai khan majode hee nahoi kena society debe phal pora mela-meli aro ekta-ekta logode buchikena thakibole janaishe. Tai pora Hornbill Festival time deh stone pulling ceremony thaga toh unity aro understanding laga sign ase koikena janaishe. Tai pora jouth khan pora phal bhabona kuribole aro tusara khan logode phal pora thakibole janaishe. Ahhibole din deh state gara thakibo karni youth khan logode agae ahhibole aro society deh lead kuribole janaideya thakishe. Technology logode olob time majode education aro civilization agae hoise aro duniya putli hoise koilebe nejor laga mathi deh respect kuribole aro appreciate kuribole janibo lagi, koikena tai pora janaishe. Event time deh, MLA aro Co-Host, Khriehu Liezietsu, NAYO 1^st President, Prasilie Pienyu, President NAPO, Neiyalie Pfusenuo, President NAPO, Neiyalie Pfusenuo aro President AYO, Neinguvotuo Krose pora olob kotha janaideya thakishe. Agae deh Chief Minister Neiphiu Rio pora monolith janaideya thakishe. Vice President, NAYO, Rukravolie Rulho toh inaugural programme time deh chaired thakishe aro Pastor, Ebenezer Baptist Church, Kohima, Rev. Keviyiekielie Linyu pora suru prathana kora thakishe. Special numbers toh Keneisedenuo Ztsu & sister aro cultural vibrant, Kohima  pora kora thakishe. President, NAYO, Neizolie Rupreo Presidential address anise aro vote of thanks toh NAYO, Mhasimhalie Yhome pora janaideya thakishe. Evangelist Church, Parish Priest, St. John laga  Rev. Fr. Solomon Vizo  benedictory prathana kora thakishe. Stone pulling ceremony time deh Member Organising Committee, Kekhrievolie Keyho toh programme laga chair thakishe aro Pastor, Baptist Church Chiechama, Rev. Sonei-u Metha pora prathana kora thakishe.  Meriema  jaga deh Khriehu Liezietsu pora NAYO Silver Jubilee flag host kora thakishe.