NEW DELHI, AUGUST 31 : Prime Minister Narendra Modi pora September moina darek 1, aji India Post Payments Bank (IPPB) kholidebole ase koi kena, Press Trust of India (PTI) khobor pora janaise.
Etu IPPB pora Department of Post (DopP) laga network bi ulaidebole ase. Etu ke Post Offices kan toh sob melai kena 1.55 lakh ta ami kan desh sob jaka te anedebole ase. Aro etu Post Offices kan toh IPPB Bank ke December moina darek 31, 2018 pora suru kurikena link kuribole ase koi kena, PTI khobor pora janaise.
Etu IPPB kebi ki-ki chis kan kobi Savings aro Current Accounts, Money transfer, Direct Benefit transfer, Bill aro Utility Payments, Enterprise aro Merchant Payments kan bi sob thakibole ase. Aro etu ki-ki chis aro tusera kan sob alak-alak Channels te anedebole ase. Aro etu kan sob toh Bank’s state-of-art Technology platform julai kena manabole ase koise.
Mizoram laga sob Post Office te IPPB kholidebo
AIZAWL, AUGUST 31 : India Post Payments Bank (IPPB) toh Mizoram laga sob Post Office kobi 383 ta ke kholibole ase. Etubi etu sal majutte koi kena Post Master General T Man Ming Thang pora Thursday din janaise.
Etu IPPB porabi 1.55 lakh Post Office branches kana mi kan desh laga sob jaka te anedebole ase. Etubi bosti-bosti jaka te etu Banking aro Financial Service kan toh julabole aramse baribo karne.
Etu Post Master General porabi IPPB toh Prime Minister Narendra Modi pora aji Saturday din te kholidebole ase. Etu kan majutte 30 ta IPPB Banks kan toh Mizoram laga alak-alak jaka te tai kan state Governor Kummanam Rajasekharan pora etu din te hi kholidebole ase koise. Aro etu Bank laga Services kan toh tai kan state laga bosti-bosti jaka kebi julabole kura huijabole ase koi kena janaise.
