Regional

Congress Pora CM Sonowal Ke Notun Govt Te Support Dibo Juti Tai BJP Charile

GUWAHATI, January 13: Congress leader Debabrata Saikia pora Saturday te Assam chief minister Sarbananda Sonowal ke BJP chari kena tai khan laga party pora support korikena notun government bonaibo nimi te hotise. Aro AGP pora koise ki saffron party logote te wapas alliance bonaibo juti Citizenship Amendment Bill hatai dile.

Saikia, Assam Assembly te Opposition laga leader, pora local TV news channel te koise, “Citizenship Amendment Bill  pora loikena protest howa etiya laga state te thakiya  situation ke sai kena, Sarbananda Sonowal toh  BJP charibo laage aro tai laga 40 MLAs hoilebi loikena olaibo laage.”

Etiya laga 14th Assembly te 61 BJP, 25 Congress, 14 Asom Gana Parishad (AGP), 13 AIUDF, 12 Bodoland Peoples Front (BPF) aro ekta independent MLA ase.

Etu samoy te, LOk Sabha te Bill pass kora karne dweita aatha saal nisina Sonowal government logote thakiya alliance biya kori diya AGP pora reporters ke Golaghat te koise ki alliance toh wapas bonaibo pare.