Headlines Nagaland

Constitution beya koridebo nemide kosish korishe: Priyanka Gandhi

Silchar: Sunday din Congress leader Priyanka Gandhi Vadra para BJP logode kelaaf korikena kowah toh, Constitution deh hesab kora nai aro etu beya koridebo nemide kosish korishe.

Silchar deh Congress candidate logode support korikena roadshow lowah thakise. Bohoi thaga MP Sushmita Dev para kowah toh, Prime Minister Narendra Modi toh pura duniya deh peraishe. Hoilebe tai nejor laga Varanasi constituency deh time toh ektum dukh para phelaishe.

 Uttar Pradesgh East laga Congress general secretary in-charge Ms Gandhi para kowah toh, “Etu toh din toh ”Mahapurush” (B R) Ambedkar ji’s birth anniversary ase. Tai para desh toh Constitution para bonaishe. Sob leader laga duty toh Constitution deh hesab koribole laga ase. Aji apuni dekhi thaga toh, Constitution deh hesab nakora dekhi ase aro etu deh beya koribole kosish kori ase”.

BJP’s manifesto deh kelaaf korikena tai para kowah toh, alag cultures aro religion nemide jaga nai.

Ms Gandhi para kowah toh, Varanasi laga manu khan para ami logode kowah toh last five sal time deh PM Modi toh kon logode be five minute time phela nai.

Tai para kowah toh, “Tai toh America deh jai kena hug korishe, China deh be jai kena hugged korishe. Tai Russia aro Africa deh jai kena hug korishe. Japan deh jai kena drum marishe. Pakistan de biriyani khaishe. Hoilebe nejor laga constituency deh, tai toh ekta khor deh jai ekena halad toh kenaga ase inquire kora nai”.

Tai para kowah toh, “Judi aji kali tak be Indira Gandhi logode jaat korishe koile tai para apuni nemide dukh kora nemide ase. Ami toh jati Ms Sushmita nemide ahhaishe. Tai logode toh Indira ji ke thaga courage ase. Ms Sushmita ke honest aro good intention ase aro pura mon para apuni nemide kaam koribole mon ase”.