London: Italy aro AC Milan legend Franco Baresi para AFP ke koishe ke jua saal Juventus para Cristiano Ronaldo ke sign kura pichete Seria A toh bhal hoi kena jai ase.
Baresi toh tai laga samay laga sob para bhal defender thakishe. Tai para koishe ke Ronaldo toh Seria A te aha pichete etu janibole parishe ke Italian Championship te waps star naam khan anibole pari ase.
Baresi toh tai laga Milan laga bis (20) saal laga career te European Cup/Champions League teen bar jeetishe. Tai para koishe ke etu toh bhal kotha ase ke Seria A toh dubara bhal hoi kena jai ase.
Baresi koishe ke Italian football toh dubara uthi ase. Ronaldo genika bhal footballer ke Italian football te anibole para nimite manu khan laga interest toh Italian football te aro bishi uthi ase. Ronaldo laga sign kura toh bishi sapa aro bhal signal ase. Italian football toh poila para bhi bishi ucha level te thakishe hoile bhi aro bhi uthi ase.
Add Comment