Regional

Davis Cup: India Aro Pakistan Draw Hoise; Neutral Jakka Te Tie-Breaker Khelibo Pare

Indian Davis Cup team toh Wednesday te Pakistan logote tie-breaker match te logpabole olaise, etu match toh neutral venue te khelibo pare juti central government pora tai khan laga fesla ki sporting teams ke samne laga desh jabo diya koile. Indian Davis Cup squad ekta bi Pakistan ke March 1964 pora loikena jowa nai aro etu samoy laga tie, Lahore te thakiya te, India 4-0 pora jitise. Juti etu match neutral venue te loi jabo koile, ITF pora manibo laage. Hoilebi, etu global body pora namanibo pare kile koile Pakistan pora Uzbekistan aro Korea ke Islamabad te jowa saal host korise. 

Aro juti venue toh Pakistan laga bahar loi jowa nai koile aro aro Indian government pora bi iccha diya nai koile, desh laga team toh 1971 nisina tie forfeit koribo laagibo. Etu draw howa laga match toh London te thakise. Winner kha toh World Group Qualifiers te jabo.