Davis Cup te France ke Croatia pora haraidese

Croatia desh laga Marin Cilic pora France desh laga Lucas Pouille ke shita pora haraidese. Etubi Sunday te. Aro etu pora Croatia kan Davis Cup Final te chetaidebole diya huise koise. Etubi 7-6, 6-3, 6-3 shita pora. Aro etu cheta porabi Croatia desh logot 2 bar Davis Cup chetidebole diya huise koise. Etubi boila cheti kena 13 sal hua bejete. Ahkete France desh laga Lucas Pouille pora etu Croatia desh laga Marin Cilic ke olop man pora haraidebole kurikena thakise. Huilebi etu bejete toh ekdam nahua huise. Aro tai eneka huikena 19 minutes majuttehi etu Crotia desh logot harijaa huise koise. Etu Davis Cup Final chetibole diya karne bi Croatia logot revenge khoraidiya ekta huise. Kele FIFA World Cup Final te bi tai 2 jun lok kurikena France desh pora haraidiya laga ase. Huilebi etu Davis Cup Final te toh France desh ke haraidiya huise. Etu pora Revenge khorai lua huise koi kena khobor hisabte pora jaanise.