Sports

Delhi Pora Judo Ring Te Raj Korise; 12 Gold Medals Paise

Delhi judokas pora dekhaise ki aalag majote tai sobse opor ase aro etu northern state pora 12 gold, 3silver aro 6 bronze medals jiti kena etu discipline  te Khelo India Youth Games te sobse opor wala hoise. Delhi logote osor Punjab thakise, tai khan 4 gold paise, aro Haryana, Uttar Pradesh aro hosts Maharashtra teenta gold medals judo te paise. Delhi laga rajtoh besi bhag Under-17 aro Under-21 girls’ section pora ahise, tate tai khan 12 pora aathta gold medals paise, media release pora koise. Tate khota ekta toh 29 participating states pora 22 medals jitise.

Release laga hisab te, judo toh north laga states pora raj korise aro region laga noita states pora 22 gold, 17 silver aro 24 bronze medals jitise.

Etu logote milai kena saile, southern India laga states pora ekt bi gold powa nai. Hoilebi, asurit khota toh Kerala pora aathta medals paise – tweita silver aro choita bronze. Aro east pora toh, Manipur toh flag-bearer thakise tate Youth Olympics silver medallist aro Asian Championship gold winner Tababi Devi Thangjam (Below-52kgs) aro Maibam Indubala Devi (Below78 kgs) sobse aage te thakise.

Aro asurit khota toh Arunachal Pradesh, ekdum wild card entry pora tweita silver medals jitise. Etu toh Kabin Doyom (Under 17 & Under-21 girls, Below-48kg)  category te ekla pora loise. Tai khan laga naam te 2 bronze bi paise.