Nk Exclusive

Demonetisation: ED pora countrywide search operation korikene Rs 1.20 crore cash seize korishe

New Delhi, November 30: Wednesday te Enforcement Directorate pora 40 nisena country laga alak-alak jaga te search operation korikene Rs 1.2 crore cash seize korikene ase. Rs 500 aru Rs 1000 notes laga demonetization hoikene thaka homoi te currency exchanges aru hawala dealers logot thaka black money laga crackdown korikene eitu poisa seize korikene thakishe.

Kashmere Gate area te thaka ekta private bank branch laga officials khan khilaf (against) te bi eitu agency pora money laundering case file korikene ase. Olop din agge te Income Tax department pora bi eitu bank laga investigation korikene thakishe.

Duijon manuh logot Rs 3.5 crore cash (natun currency) thaka karone Delhi Police pora tai khan ke dhurikene thakishe aru eitu pichete I-T teams khan pora bi bank te survey operations conduct korikene thakishe.

Officials pora koise, Enforcement Directorate teams pora purana currency – 20 lakh cash aru natun currency 1 crore aru Rs 50 lakh foreign exchange laga transaction papers seize korikene ase.

Tai khan pora koise, sob cash, documents aru entry registers khan toh hawala dealers laga ghor te pora seize korishe.

Agency laga bisi teamsn khan pora Delhi, Mumbai, Chennai, Kolkata, Gandhinagar aru Bengaluru nisena cities te search conduct korikene thakishe. Eitu operation te 100 nisena detective aru police personnel khan pora bi participate korikene thakishe.

Eastern region te agency pora kum se kum (at least) 16 jaga te search korikene thakishe – Kolkata te choita, Bhubaneswar aru Paradip te duita (each) aru Guwahati te bi korikene thakishe.