Dimapur, 5 December: Wednesday din NBHM Multi utility centre 6th Mile Dimapur jaga deh first Nagaland Honey Bee Day laga suru programme lowah thakishe. Etu din deh Hon’ble Ministry Planning & co-ordination, Land Revenue Neiba Khronu toh inaugural programme laga chief Patron thakishe. Speech time deh tai pora Nagaland toh bio diversity deh ekta sobse dhun wala ase koise. Tai pora kowah toh, tusara states deh bee rakha toh eman sosta nohoile. Kelay koile tai khan bee bee laga boxes toh shift kuribole olai. Hoilebe Nagaland deh enaga toh nahoi. Etu pora jama howah manu khan logode bee rakhobole janaideya thakishe. Tai pora Government of India logode request janaideya toh, Naga manu khan ke line deh phal hoi, etu deh special interest debole janaishe. Tai pora Nagaland laga Government toh olob time karni debole naparikena ase hoise. Hoilebe etya rasta aro power ektum lagi thaga toh bonabo koikena janaishe. Etu toh ami khan laga kaam ase, koikena tai pora janaishe. Tai pora jaama howah khan logode kowah toh, Nagaland Honey Bee Day laga first din deh, ami khan mela-meli koikena, diyar hoi kena, eki logode agae jaikena aro eki logode kaam korikena Nagaland toh honey laga jaga bonabo. Agae programme time deh Pastor Baptist Revival church, kuda, Dimapur Khriezovi Kiso pora prathana kora thakishe. chairman, NBHM Ntsemo Nyullie pora welcome address koise. Short speech toh Deputy Commissioner Ministry of Horti GOI Naveen Patel aro Hon’ble Advisor Horticulture & Former Team leader NBHM Mhathung Yanthan pora kora thakishe. Tusara highlight programme deh, special no. toh First Naga Idol 2006 Moanungsang pora kora thakishe. Chairman VBKC Yakor village, Tuensang Longkhangba pora jeta laga kahani janaideya thakishe. Nsong village pora Zeliangrong cultural bee dance kora thakishe. Team member NBHM Neilazono Terhuja pora award distribution ceremony kora thakishe. Award toh sob district laga best painting, best photography, Best village beekeeping Community aro best bee keeper logode deya thakishe. Deputy secretary & team leader NBHM T Imtiwapang Aier pora vote of thanks kora thakishe aro Moalemla pora programme chared kora thakishe.
Add Comment