Dimapur laka Bamboo Park te

Nagaland Bamboo Development Agency (NBDA) toh 15th March 2004 te establish koreshe. NBDA toh Dimapur te Porana Sugar mill factory taka jaka te ase. Peshi manu pora Dimapur laka NBDA ke bamboo park koi kena jani ase.  Dimapur laka NBDA center te peshi manu perapole jai takhe. NBDA laka jaka te peshi popular taka toh Bambusa restaurant aro bamboo park ase.  NBDA toh Bamboo pora alak alak saman pona laka industry promote korebole ponishe. Aje kali NBDA laka bamboo park te jaile, sabole peshi phal nai. Bamboo park te manu pohibole(park bench) taka toh peshi peya hoishe. Bamboo pora pona bench kan toh pangi kena peya hoishe. Hoilibe kon phe etu ponai nai. Aro Bambo park te majang( Hut) neshena taka khan phe peshi purana hoi kena herepole hoishe. Bamboo park te bamboo laka bridge taka phe pange (broken) kena peshe peya hoishe.  Aro etu park toh peshi latera (dirty) ase. Kali (empty) Pani laka bottle, chips laka cover aro enaka peshi letra saman kana se. Asoret kota toh etu bamboo park  te motu aor beer laka bottle phe pehai kena takeshe. Etu hesab te manu kan etu park te motu kai ase. Etu NBMA lak bamboo park te manu pohepole taka aro bamboo bridge kan toh pona pole lakhe. Etu nahole manu panga(broken) bamboo laka brige te pera time te peshi jokom hobole chance ase.  Bamboo park laka care taker kan etu bamboo park toh hotai sapha rakebole lakhe. Kele koile etu toh ekta peshi popular tourist aha laka jaka ase. Etu he nahoi kena NBDA laka center te ekata watch tower ase. Etu watch tower to bamosa laka resturnat asor te ase. Etu Tower toh talab kai kena tok(spit) mara pora porta ase. Aro etu tower ota time te steps te peshi japara(trash) ase.  Nagaland Bamboo Development Agency khan pora etu Dimapur te taka park laka halat (condition) to sapole lake. Hornbill  behu (festival) ahe ase. Tourist kan peshi  ahi kena etu peshi letra aro  pohepole natakele,  perapole bridge natakele peshi sorom hobo. Aro etu toh kali Nagaland Government nahoi kena Naga manu sob nemete peshi sorom kota hobo.