International

Donald Trump pora middle class khan nemide 10% tax katibole sai ase

Agencies, 23 October: US President Donald Trump pora janaideya toh November 6 mid-term polls laga agae deh tai pora middle class khan nemide arobe 10 per cent tax katibo koise.  Trump pora aji kali 10 per cent tax komti toh middle-income manu khan nemide kori ase koise. Tai pora Taxas jaga deh White House  naja agae deh reporter logode khobor janaideya toh, etu toh business nemide nahoi koise. Aro tai khan logode tax namaideya toh top deh ase koise. Jowah sal Trump pora middle class aro businesses khan nemide ektum besi tax kata thakise. Tai pora resolution toh ahha hapta phalli koribo nesana ase koise. Tai pora Democrats  logode kelaf kori kena janaideya toh tai laga Republican party pora besi phal kum koribole ase koise. Aji kali Republican party toh House of Representatives aro Senate debe majority ase koise. Political pundits pora kowah toh, Democrats pora House deh control koribo pari koise.