SEOUL: Ekta South Korean taxi driver nijor ke julai kena muraishe. Etu ghatna toh protestors khan toh desh laga sob para dangor mobile chat app para ride-sharing service introduce kora nimite hoishe. Etu toh ek moina bhitor te dusra app ase.
64years laga bura manu toh tai laga gari jui nojula agote central Seoul laga US embassy bahar te part kuri kena thakishe. Etu bura manu laga surname toh Im thakishe.
Dheka manu para koishe Wednesday saam te driver ke julia gari para ula pichete bhi tai hos te thakishe koishe. Im ke osor laga hospital te loi jaishe aro olop samay pichete tai muri jaishe. Police laga khobor hesab te gari te guli kena thaka fuel laga bottle paishe koishe.
Yonhap news agency khobor hesab te Im toh suicide note chari kena jaishe. Im para etu app introduce kora ke “illegal car-pooling” naam dishi aro etu opor te ban kuribole koi ase.
Im mura melai kena etu desh te dusra cab driver ase kun nijor ke julai kena murishe. Etu toh chat app Kakao laga ride-sharing service protest te kurishe.
Add Comment