Agencies:
Unai Emery koishe etu season te Arsenal khan Premier League te top four te khotom kuribole dikdar hubo koishe.
Emery laga Arsenal toh standings te etiya sixth position te ase. Saturday te Arsenal toh bottom side Huddersfield Town laga khilaf te khelibole ase.
Arsenal toh tai khan laga juwa charta matches para duita harishe. Aro tai khan etiya fourth place Chelsea para teen points para nichete ase. Etu toh 25 rounds pichete ase.
Aro head coach Emery jani as eke ahibole laga season laga Champions League nimite Arsenal toh olop dikdar pabole ase.
Emery koishe ami khan para bhi bhal teams khan ase. Ami khan etiya top-four finish laga bbahar te ase. Hoi etiya ami khan sixth te ase. Aro etu he hossa ase.
Ami khan etiya bhi bisas kuri as eke ami khan toh top four te season khotom kuribole paribo. Etu ami khan nimite bishi dikdar hoile bhi.
Top three (Liverpool, Manchester City, aro Tottenham) te toh bishi dangor difference ase. Hoile bhi ami khan Chelsea aro Manchester United logote osor te ase.
Add Comment