Department of Youth Resources & Sports khan pora National Programme for Youth & Adolescent Development (NPYAD) Ministry of Youth Affairs & Sports, GoI laga bithor te 11 Adventure camp Advisor, Youth Resources & Sports, Er. Zale Neikha pora 23rd October, 2018 John Government Higher Secondary School, Viswema te shuru kurishe .Etu occasion te Neikha pora khushi janaishe Ministry of Youth Affairs & Sports, Government of India ke funds khan diya nimete etu programme karne .Tai aro koishe etu programme kile loi ase koile toh leadership qualities aro personal development olabole karne sports & games te bhaagh lobi koishe adventure nimete hi naphabikena .Tai pora aro koishe enika event khan luwa pora aro bhaagh loikena juwan manu khan majhotte tranquility aro harmony anibole nimete.Tai aro koishe juwan manu khan etu event pora ekta nutun sambandh bonaikena janibo nijor nijor tai khan kuntu jaka pora hoilebi .Tai aro bi koishe department khan ministry pora modot mangibo enika event khan lobole karne aha aha din te .Sob milaikena komti hoilebi 88 manu khan 10 sta district pora etu 3 din event te ahise .Etu programme te trekking Dzukou valley te , sightseeing Kohima te, Dzulekie trip , rappelling, river crossing, fire making, basic survival techniques etc khan thakishe .Etu flagoff programme te Viswema village laga department khan laga officials aro alag alag organisation laga leaders khan ahise .
Er. Zale Neikha 11 Adventure Camp shuru kurishe
Add Comment