PARIS/ADDIS ABABA: Officials koishe Boeing 737 MAX airplane laga duita kala boxes (black boxes) toh experts khan para sabole nimite Paris te pungchishe. Ethiopian airplane toh Ethiopia te crash hoishe. Khobor hesab te etu duita boxes toh Thursday din te Paris te pungchishe. Duniya pura para regulators khan jets toh dubara akash te urabole paribo na nai etu opor te kotha hunibole rukhi ase.
France laga BEA air accident investigation agency laga spokesman koishe flight data aro cockpit voice recorders khan toh agency ke din laga olop pichete dibole ase koishe.
Sunday din te Addis Ababa para takeoff kura samay te crash huwa laga karan janibole nimite tai khan laga data toh ekdam bishi zaruri ase.
Panch moina para komti samay bhitor te 737 MAX laga dusra crash huwa nimite U.S. Federal Aviation Administration (FAA) khan bhi Wednesday din te tai khan laga planes khan bhi olop samay nimite rukhai rakhibole ase koishe.
Add Comment