Dimapur, April 17: Experience Naga politician aro purana Minister Rokonicha Kuotsu toh jowah kali (April 17) tai laga khor Medziphema jaga deh lamba din bemari para dukh pai kena morishe. Tai toh tai laga tinta maike bacha, tin-ta moda bacha aro grand bacha khan logode thaki thaga ase.
1944 sal deh johonom powah late Rokonicha toh politics deh nakusha agae deh alag alag capacities deh kaam kori thakise. Tai politic deh nakusha agae deh kaam kori thaga khan toh- president of Chakhroma Students’ Conference (1967-69), joint secretary, Angami Public Organization (1973) aro Assistant Teacher, GHS Kohima (1970-73) ase.
Late Rokonicha toh MLA karni six par 1974 to 2018 tak kaam kori thaga ase. Tai 1974 sal UDF party para 5-Ghaspani-II A/C deh contest kora thakise aro 17-03-75 deh Deputy Speaker nemide juna thakise. Taui be 1998 sal 9th Assembly karni juna bechide Minister of State for Local Self Government & Wasteland Development deh kaam kora thakise.
Tai mora nemide Governor, Chief Minister, NLA Speaker, TR Zeliang, NDPP, MTYO & MTMK aro NDPP Ghy-II khan para tai laga khor manu khan logode ektum mondukh howah janaishe. Aro tai laga aatma be shanti para thakibo nemide prathana korishe koishe.
Add Comment