Mumbai: Mahesh Anand, bishi Bollywood movies te negative role kuri Dhaka manu, Saturday te tai laga khor te ektam alak muri kena baise.
Police pora khudkhusi case kuranai hoile be khudkhusi laga note toh baa nai.
57 umar actor laga body toh, Govinda laga ‘Rangeela Raja’ te jowa mohoina released kura biche te,tai laga khor Andheri laga Yaari road te alak tariga te baise, police pora koise.
Body toh Post-mortem karne ushor laga Cooper Hospital te bodhaise.
Anand toh suspect hesab te mutu kha laga adat dhakise aro Tai laga maiki toh Moscow te dhakiya pora tai ekla dhakise, police pora etu be koise.
Hoile be etu actor mura laga matlab toh etya tok nujane, hospital laga doctor pora koise body toh tai laga khor pora bishi bocha hoi kena anise koise.
Doctors laga hesab,tai mura laga matlab toh post mortem biche te hi janibo.
Etu actor toh bishi hit film ‘Shahenshah’, ‘Coolie No 1,’ ‘Swarg,’ ‘Kurukshetra’ aro ‘Vijeta’ nishina te ulai dhakise aro top stars Amitabh Bachchan, Dharmendra, Govinda aro Sanjay Dutt khan logot te be screen share kurishe.
Add Comment