Ferrari pora Friday te tai khan laga notun Formula One SF90 car launch korise tate Italian stable khan phabana ase ki doz saal opor te tite najitiya khotomkorikena tai khan laga team laga 90th anniversary manaibole. Etu notun SF90 te tai khan laga team laga traditional lal te kala rong ase, aro etu toh Ferrari laga Maranello headquarters te drivers Sebastian Vettel aro notun 21-saal team-mate Charles Leclerc pora launch korise.
Ferrari toh etu sport laga sobse kamiyabi team ase, hoilebi tai khan pora drivers laga title toh Kimi Raikkonen pora 2007 te jitiya bicche te ekbar bi powa nai. Etu team laga akhiri constructors’ title toh 2008 te thakise.
Etu jowa tweita season te Ferrari pora Mercedes laga raj ke kerai dibo laga wada ke kamiyab koribole pariya nai, tate tweita seasons te bi Briton Lewis Hamilton logote Vettel toh runner-up hoise.
Vettel toh team logote tai laga panchta wala season khelibole ase aro Raikkonen ke Leclerc pora podli korise.
Add Comment