AGENCY: State level laga first indigenous games competition got IG Stadium, Kohima te 13th December 2018 te shuro korise. Ito two-day event toh Department of Youth Resources and Sports pora organized kora ase. Dr. T. Ao laga Birth Centenary commemorate koripo nimete.
Inaugural program te Special Guest nimete, Er. Zale ahise. Aro tai pora Governor of Nagaland oporte ektum thaniyawat tishe, naga laga indigenous games ke interest loa nimete. Aro tai pora department ke kisim kisim games organized koribo nimete encourage korise.
Hoilebi Er. Zale pora amikhan laga fore father khan pora khili thaka games khan pise phak hari jai ase koiekana, mondook laga kotha koishey. Amikhan laga bacha khan ke ito indigenous games toh phal pora shikaikena rakhitibo lage aro khilibole tibo lage. Sob naharai joa agete.
Ito naga “indigenous games competition” toh duniya laga manu sob pora janibole chance ase. Aro ito competition nemeti amikhan laga games aro cultural heritage toh promote koribole paripo.
11 district pora dosta dosta jon male participants khilipole ase. 4 games thakibole ase ito khan toh Tug of war, Grease Bamboo Pole Climbing, Cock Fight and Stilt Bamboo Race ase.
IG Stadium Academy girls pora Indigenous game “Tholi” tekhaise. Director YRS, Akumla Chuba bhi kotha korise. Nodal Officer, Nyuvitho Nyuthe program chaiman thakise aro Pastor PBC, Kevichalie Metha pora invocation korise.
Add Comment