International

French police para notun “Yellow Vest” protest opor te tear gas marishe

PARIS: Saturday din te Yellow Vest protestors khan para Paris, Lyon aro Bordeaux te projectiles marishe aro bins khan te jui lagai dishe. Etu nimite French police khan para protesters khan ke khedabole nimite tai khan opor te tear gas marishe. Etu Yellow Vest protest huwa toh etiya 14th weekends lagatar hoi ase. Saturday din te huwa protests toh ekdam biya hoi jaishe.

Authorities koishe north Rouen te driver joborjos protesters khan ke tai laga gari par kuribole kosis kura samay te charta manu jokom hoishe.

Protesters khan toh protests din fusur te toh shanty para he juma hoishele. Protesters khan toh paris laga Arc de Triomphe te juma hoishele. Eiffel tower te naja agote. Protesters khan police logote olop din agote larai hoi kena thakishe.

Saam te police aro protesters khan majote Esplanade des Invalides, central Paris te larai hoi jaishe. Etu jag ate march toh khotom hubole expect kuri thakishe.

Bordeaux aro Lyon te police khan para protesters khan opor te tear gas marishe aro tai khan ke charge kurishe. Protesters khan para projectiles marishe aro properties khan julai diya aro saman biya kuri diya nimite police khan para protesters khan opor te hamla kurishe.

BFM Television khobor hesab te protesters khan para online retail giant Amazon opor te depot block kuribole kosis kurishe. Aro south Toulouse te protesters khan para police opor te pathor marishe.