Dimapur

Garos pora Wangala festival manaise

Dimapur, 25 November: Garos of Nagaland pora theme ‘Our culture is the soul of our tribe’ pethor deh tai khan laga post-harvest festival ‘Wangala’ mana thakise. Etu toh November 21 direk Samaguri village playground jaga deh lowah thakise. Festival toh Nagaland Garo Tribal Council, Garo Students’ Union Nagaland Zone, Garo Mothers Association Nagaland aro All Nagaland Garo National Association logode melikena Wangala Celebration Committee pora organise kora ase. Program deh special guests khan toh Viccashe Sumi, IPS (Rtd) and K Lun Tungnung, advocate aro social activist thakise. Programme time deh K Lun Tungnung toh kushi napai kena kotha janaideya toh Mini-Hornbill scheme  deh Garo Wangala festival namelaideya pora thakise. Kelay koile Nagaland dehbe Garos toh ekta recognize tribe ase koikena. Tai pora be jama howah manu khan logode tai khan laga bacha thek pora kitab boraidebole janaise. Kelay koile life deh kebah ekta paribo karni. Viccashe Sumi pora Nagaland deh Garos thaga toh poila time pora ase aro state deh Garos toh ektum part aro parcel ase koikena janaise. Programme deh Dubagaon aro Samaguri villages pora Wangala dances kora thakise. Garo Students’ Association Diphu, Karbi Anglong pora folk song kora thakise, Eralibill village pora folk fusion korise aro Ekaranipathar village pora indigenous games dekhaideya thakise.