Dimapur, December 14: Gen. (Retd.) Kholi Konyak ke hazaar manu samaan tise. NSCN (IM) laga vice chairman, Wednesday din Delhi ke morise. Agri expo site Dimapur ke tai laka dead body laka reception programne tahkise. Ito ke dangor manu pise jon pora kotha korise. Minister for Agriculture and Cooperation, G Kaito Aye laka kotha ke aji din toh pise montook laka din ase koikena koishey, naga manu laka dangor leaders amikhan pora jaijai ase. Aro tai toh Naga Struggle laka pioneer ase koikena koise.
Opposition leader TR Zeliang, Naga People’s Front nimete kotha kora time te, aji laka din toh amikhan karoni ‘black day’ ase koishe. Gen. Konyak laka kahaani toh amikhan sob karoni ektum dangor example ase anro inspiration ase koikena tai laka kotha ke inaka koishe. Gen (Retd.) Thinoselie M Keyho, president, Naga National Council, pora koa toh aji laka din toh mondook laka din ase , hoilebi ek kisim ke amikhan kushi papolake , kilemane aji tai nimete ami khan sob eki logote jama hoi ase. Khali Naga manu unite hoiletoh amikhan sovereignty papole ase.
ULFA laka chairman, Arabinda Rajkhowa, bi kotha korise aro tai Gen Kholi ke 30 sal pora jani ase koikena koise. Aro Gen. |Kholi |Konyak toh Naga majote aro South East Asia laka sobse dangor freedom fighter ase koikena koise. Naga Hoho, ENPO, NMA, FNR, NPMHR, NSF, UNC, ENLU, NTC, KUD, Rengma Naga People
Council (Assam), Nagaland GB Federation aro Arunachal Naga Students’ Federation, Wancho Council khan pora bhi leaders khan samaan kotha honaitise.
Add Comment