Agencies: Chelsea striker Olivier Giroud toh Chelsea logote tai laga contract toh khotom huwa pichete tai wapas France te jai kena tate para he retire kuribole echa ase koishe. Olivier Giroud toh Chelsea manager Maurizio Sarri nichete khelibole samay toh ekdam komti pa nimite mon khushi nathaka hoishe.
January te Chelsea club para Argentina international striker Gonzalo Higuain ke sign kura pichete Giroud toh Chelsea nimite ekta bhi Premier League game suru kura nai.
Giroud para French radio station RTL ke koishe ke aha samay toh ekdam dikdar laga hubole pare koishe. Moi khelibole samay aro bishi pabole nimite ekta level nichete jabole bhoi nai koishe. Moi toh France para he retire kuribole pare.
French media laga khoobr hesab te striker Oliver Giroud toh jua saal France logote World Cup jeetishe. Tai 2012 te Arsenal te naja agote Montpellier logote 73 league matches te 33 goals banabole parishe. Oliver Giroud toh Olympique Lyonnais logote interest thaka dekhai ase.
Add Comment