AHMEDABAD: Gujarat police khan para PUBG khela nimite dosta university students khan ke arrest kurishe. PUBG toh ekdam naam thaka game ase. Eka minister PUBG opor te koishe “sob ghor te ekta shatan ase.”
Khobor hesab te etu arrest toh Wednesday din western Gujarat te hoishe. Authorities khan para jua hafta para PUBG toh state pura te ban kuri de kena thakishe. Etu ban kura laga karan toh PUBG khela manu khan laga adat (behavior), aro biya kotha chola bole suru kura nimite ase.
Thursday din te police inspector VS Vanzara koishe students khan ke etu eki din te bail te chari dishe.
Dusra police official Rohit Raval para Indian Express ke koishe ke PUBG game toh ekdam bishi adat (addictive) hoi jai. Students khan toh police aha bhi dekhi kena thaka nai.
Gam ban kura state majote Gujarat he ekla ase. PUBG game toh duniya pura te ekso (100) million bar download kuri loi kena ase.
Add Comment