Agencies: Guwahati te 83rd Senior National Badminton Championships hubole ase. Etu te top Indian shuttlers PV Sindhu aro Saina Nehwal genika khan khelibole ase.
Championship toh February 12 para Guwahati te suru hubole ase. Jua bar Guwahati para championship toh 2010 te host kurishe.
NewsMill khobor kurishe etu championship toh the 74th Inter State-Zonals logote schedule kuri kena suru kuribole ase. Etu toh February 10 para 11 te hubole ase. February 12 pichete individual matches hubole ase. Etu laga draw toh Monday te kuribole ase. Badminton Championship laga cash prize toh Rs 50 lakh hubole ase.
Mota aro Maiki singles te thaka BWF World Rankings te 50 rank nimite thaka top aatha players khan toh directly pre-quarter finals para suru kuribo. Etu toh February 14 te hubole thaka Super Draw competition te hubo.
Doubles te top charta teams top 50 bhitor te thaka toh quarter-finals te khelibole dibo. Singles draw te 16 seeds hubo aro doubles laga maximum seeds toh aatha hubo.
Defending champion Saina aro jua editions laga runner-up Sindhu toh maiki side laga sob para dangor attraction hubole ase.
Doubles category te toh uthi thaka talents khan khelibole chance pabo. Tai khan toh business te sob para bhal thaka khan logote khelibole chance pabole ase.
BAI President, Himanta Biswa Sarma koishe ami khan laga goal toh sports toh desh laga sob jag ate loi jabole ase. Etu hoile toh sports khushi pa manu khan sports laga stars aro icons khan ke live khela sabole chance pabole ase.
Guwahati te Senior Nationals host kura toh local players aro fans khan nimite bishi dangor experience hubole ase. Moi players aro officials khan ke dangor success pabole wish kuri ase.
Add Comment