NEW DELHI: Delhi police crime branch para Saturday rati te Karol Bagh hotel laga malik Rakesh Goel ke arrest kurishe. February 12 te Hotel Arpit te jui lai kena 17 manu murija laga din para hotel malik Rakesh Goel toh haraijai kena thakishe.
Senior police officer Rajesh Deo para NDTV ke koishe Mr Goel toh Indigo flight 6E 1702 para Qatar jai ase laga khobor pa nimite police para tai ke dhuribole parishe. Immigration officials khan ke alert kuri dishe aro bisaribole laga la notice toh release kuri kena he thakishe. Mr Goel ke aha samay te dhurishe aro olop sawal kura pichete police ke de dishe. Mr Goel ke jua din court te anishe.
Mr Deo koishe Rakesh Goel toh Doha te shadhi attend kuribole jai kena thakishe. Mr. Goel laga bhai Shardendu Goel harai kena thaka nimite tai khilaf te lookout notice issue kuri kena ase. Hotel licence toh Shardendu laga naam para ase hoile bhi malik toh Shardendu laga dangor kokai (elder brother) Rakesh ase.
Police koishe hotel jui laga case te etu toh third arrest ase. Olop samay agote general manager Rajender Kumar aro manager Vikas Kumar Takkal ke murder nimite arrest kurishe.
Add Comment