Sports

Hockey World Cup : India quarter final te harise

BHUBANESHWAR, DEC 13 THURSDAY: Bhubaneshwar jagate khila Mens Hockey World-Cup quarter-final match thakise. Ito ke The Netherland pora India ke 2-1 jitekena India laga mon phangaitise. Match toh ektum korom korom thakise.

First quarter te India laga Akashdeep Singh pora 12th minute te ektum sundor goal thalise. Aro olop time thakikena 15minute te Netherland laga Thierry Brinkman pora ekta koraitise. Ito pijete toita team bhi ektum koshis korise hoilebi goal dibole paranai. 2nd 3rd aro 4th quarter tebi goal dibole kun pora bi paranai. Hoilebi 5th quarter te 10 minute paja time te Netherland khan pora goal marise, Mink Van Der Weerden pora 50th minute te 2-1 ponaitise.

Match toh ito pijete ektum korom korom hoi jaise. India pora ektum goal koribole khusis korise. Inaka hoina India laga goal keeper bi olaitise aro outfield player ekta anise India pora.

5 minute nisena India team goal keeper nathaki kena extra outfield player ekta logote Netherland logote attack korise. Hoilebi India goal dibole paranai. Aro India 2-1 harikena , 2018 Mens Hockey World- Cup pora out hoijaise.