New Mexico, 31 August: Authorities pora janaideya hesab de, Thursady din Arizona border osor de bus aro semi-truck laga-lagi hooi kena 7-jun moraidese aro besi junk e jokhom korise koise. New Mexico State Police pora janaideya hesab de semi-gari laga tire toh olai-jai kena bus de laga laga ase koise. Greyhound bus de passenger khan toh 19 thakise. Authorities koise, besi jun ke toh hospital de loi-jaise. Hoilebe tati keman jun jokhom paise aro keman jun beya conditions de ase exact toh kobole para nai. Etu hatsa howah toh ektum ektum kathar thakise aro tai laga passengers khan toh phoi pora hala (screaming) kora thakise koise. Huff koise, semi gari toh upside down hoikena pieces howah thakise koise. Aro Greyhound bus laga agae side toh pura beya hoi kena thakise koise. Bus laga ekta side par be beya hoi-kena thakise koise. Etu hatsa howah de National Transportation Safety Board and New Mexico state police toh investigate kori ase.
Add Comment