Headlines

India deh pohila All-Women Political Party olaise

Mumbai, 21 December: India deh first time all-women political party- National Women’s Party (NWP)- olaise. Etu toh Monday din Mumbai deh olaise. Etu party para 2019 elections laga 545 Lok Sabha seats deh adha-phag hesha lobole ase.

NWP toh “a party of mothers” ase. Etu toh medico aro social activist, (Dr) Shwetha Shetty para ola laga ase. Etu para maike khan logode lower House deh 50 percent reservation nemide kosish kuribole ase.

Ms Shetty para media logode koikena thaga toh, “etu party toh poila para koribo koikena bhabona kori thaga ami khan laga mission ase. Etu para moda aro maike gap hataidebo aro patriarchal Indian society deh maike khan logodebe eki opai pabo”.

Tai para kowah toh, “parliament deh reservation pabo kowah toh 20-sal opor hoise. Hoilebe society deh political mana toh sob moda para kori. Maike khan logode parliament deh eki toh nathaga hoise. Etu para maike authority toh namise”.

“Etu plan para NWP toh manu khan laga phal environment bonabo ase aro tai laga goal deh paribo karni motob kuribole ase,” Ms Shetty koise.

 NWP para mobile app “Mahila Rakshak” toh joldi olaibole ase. Etu para maike khan emergency lagi thaga time deh motob pabo karni. Kelay koile aji kali maike khan logode crime toh othi thaga karni.

Ms Shetty para kowah toh, party para Youth Parliament khelibole ase. Etu para desh laga sob state deh maike khan nemide political school khelibole academic aro practical training debo aro tai khan logode desh laga political process deh hesha lobo karni kosish koribo.